• Páginas:
  • <<
  • 1
  • >>

Novas da Fundación arquia

Testemuños de arquia/próxima

30 DICIEMBRE 2011 / PRÓXIMA

Presentamos o segundo capítulo de testemuños de arquia/próxima. Nesta ocasión, o nosos entrevistados responden á pregunta «Que é o próximo de próxima?», onde reflexionan tanto sobre as posibilidades de futuro da nosa profesión dende a perspectiva da nova arquitectura como sobre os novos métodos de difusión da mesma. No vídeo aparecen Iván López Munuera, Guzmán de Yarza, Gonzalo Herrero Delicado, Nekane Aramburu, Javier Peña Ibáñez, Taller de Casquería, Eva Morales de Lapanadería e por suposto o profesor Walter Hungendubel. Aproveitamos a ocasión para desexarvos un feliz aninovo e unha subida de realizacións relaxada e frutuosa.


Ampliamos o prazo!!!

27 DICIEMBRE 2011 / PRÓXIMA
Debido ao éxito do concurso, ampliamos o prazo de rexistro até o 31 de xaneiro de 2011! Rexístrate como arquitecto PRÓXIMO e publica as túas realizacións directamente. Formarán parte da nosa galería e poderás visualizalas e actualizalas en todo momento. Optarán a ser seleccionadas polo xurado da edición 2011 para a súa publicación nun catálogo e a súa mostra nunha exposición en liña. Ademais, podes gañar 15 000 € se a túa realización sae premiada. Participa! Inscríbete e sube os teus proxectos, sen límites! Até o 31 de xaneiro de 2012. Entra en http://fundacion.arquia.es/proxima/

Arquia/próxima titorial: creación de perfil e realizacións

23 DICIEMBRE 2011 / PRÓXIMA

Para todos os despistados fixemos este vídeo, un titorial onde se explica detalladamente como crear un perfil de arquia próxima, como subir unha realización e como publicala para que forme parte do concurso desta terceira edición. Botádelle unha ollada se tedes calquera dúbida. Para máis preguntas, podedes consultar as instrucións ou utilizar o foro para formulalas. Ampliamos os prazos!! Lembrade que poderedes subir e publicar as vosas realizacións até o 31 de xaneiro de 2012. Animádevos e participade!!!


Testemuños de arquia/próxima

23 DICIEMBRE 2011 / PRÓXIMA

Comezamos unha nova serie de minivídeos documentais que recollen as opinións de axentes relacionados con Arquia/próxima. Xurados, embaixadores, antigos gañadores de Arquia/próxima, estudantes... Todos eles contéstannos a unha serie de preguntas que lles realizamos. Neste primeiro capítulo podedes ver unha recompilación dos comentarios á pregunta «Para que serve Arquia/próxima?». E dentro de moi pouco teredes as respostas íntegras dos entrevistados na nosa canle de YouTube. Neste capítulo, por orde de aparición, Iván López Munuera, Guzmán de Yarza, María Jose Marcos, Nekane Aramburu, Javier Peña Ibáñez, Taller de Casquería e Eva Morales de Lapanadería. Gozádeo.


Arquia/próxima - Catálogo 2010

21 DICIEMBRE 2011 / PRÓXIMA

Non perdas o vídeo do segundo catálogo Arquia/próxima. Nel atoparedes todas as realizacións da edición 2009-2010. Na edición actual de 2012, Arquia/próxima inaugurará o catálogo dixital, un catálogo onde se exporán 128 realizacións catalogadas e 24 seleccionadas, e ao que se poderá acceder dende calquera lugar. Anímate a participar no próximo catálogo de Arquia/próxima.


Exposición virtual do II Foro arquia/próxima Madrid 2010

16 DICIEMBRE 2011 / PRÓXIMA
Non perdas o vídeo da exposición virtual do II FORO ARQUIA/PRÓXIMA MADRID 2010 que se celebrou o pasado 21 de outubro de 2010 na ETSA de Madrid. Nel atoparás as obras premiadas e algunhas das obras presentadas na edición anterior de arquia/próxima. Lembra que aínda que a actual convocatoria se pecha o 31 de decembro do 2011, poderanse subir as realizacións até o 31 de xaneiro de 2012.

Arquia / próxima - The final countdown

05 DICIEMBRE 2011 / PRÓXIMA

Iníciase a conta atrás. En tan só un mes finaliza o prazo de inscrición para todos os arquitectos novos que desexen participar nesta edición. Resta só un mes para que vos inscribades na web de arquia/próxima, mais aínda poderedes subir as vosas realizacións sen límite até o 31 de xaneiro de 2012.

Lembrade que arquia / próxima non só premiará o gañador con 15 000 euros, senón que realizará unha selección das obras máis relevantes do panorama próximo español. Non o deixedes para última hora e subide as vosas realizacións.


Arquia/próxima. Catálogo 2008 en YouTube

02 DICIEMBRE 2011 / PRÓXIMA

Arquia/próxima estrea a súa canle de YouTube cun vídeo onde se mostra o primeiro catálogo «Arquia/próxima».

Nesta canle poderedes ir atopando todas as novidades que vaian acontecendo ao longo da presente convocatoria dos premios Arquia/próxima 2012, dende vídeos explicativos sobre como empregar a plataforma en liña e impresións dos xurados, até vídeos relacionados coas realizacións e os equipos participantes en Arquia/próxima. Non deixes de visitar este novo formato audiovisual de Arquia/próxima.


Retrospecters de arquia/próxima

25 NOVIEMBRE 2011 / PRÓXIMA

Chegan os «retrospecter» de arquia/próxima, un espazo para lembrar o grandes que fomos cando eramos moito máis pequenos.

Todos os días, até que se peche o prazo de inscrición nesta terceira edición de arquia/próxima, faremos un repaso, a través de Facebook, dalgunhas das realizacións seleccionadas nas anteriores dúas edicións de próxima. Proxectos de moi distinta índole e formato, que repasarán algunha da mellor arquitectura nova que se produciu en todo o país. Lembra que, aínda que a actual convocatoria remata o 31 de decembro de 2011, poderanse subir as realizacións até o 31 de xaneiro de 2012.

 


Arquia /próxima en Facebook, Twitter e YouTube

24 NOVIEMBRE 2011 / PRÓXIMA

Arquia/próxima é o programa cultural da Fundación Caixa de Arquitectos iniciado no 2007, concibido para ofrecer apoio aos arquitectos españois nos dez primeiros anos de exercicio profesional e baseado na difusión, promoción e posta en valor das súas realizacións e principios como profesionais.


mi área privada